|好物。分享|⋆ ˚｡⋆୨୧˚滴雞精★美媽養生之道⋆✦⋆輕鬆補身之選˚୨୧⋆｡˚⋆
美豬懷孕既時候成日都嘔，嘔到30週
唔係好食到野，一直都唔係好長胎
機緣巧合之下，認識左滴雞精
於是就飲滴雞精養胎，飲左之後布甸仔的尺寸真係有增長
所以我估都有用
到生左布甸仔之後，坐月都有繼續飲黎養身子! 📷
後來係BB展上認識左好多唔同既品牌
先發覺原來有咁多選擇!
雖然美豬已經坐完月好耐，但最近身體唔知做咩，成日頭暈
於是又諗起滴雞精喇XDD
(有事鍾無豔，無事夏迎春XDDD)
📷
咩係滴雞精?邊個啱飲?
滴雞精其實係燉雞汁
除左孕婦、產婦、大病初癒嘅人之外
男女老幼、身體虛弱、易暈、手腳冰冷咣嘅人士都適合飲用
可以增加肌肉、修補細胞
話明係燉雞汁點解唔自己燉呢?
美豬咁做係有幾個原因:
1. 滴雞精易於吸收
好多產前產後嘅美媽們都會食雞補身
因為雞肉有豐富的蛋白質，而且較易吸收
可以幫BB長肉，或者增強體力、恢復身體
但食雞同飲雞湯都只可以吸收到小部份蛋白質
但滴雞精係由雞隻經過長時間高溫蒸煮後滴出來精華
當中既精華營養已經被分解成小分子，可以直接被人體吸收
所以一小包已經勝過一大煲雞湯!
2. 飲滴雞精無咁易肥
📷
(圖片來源:明報健康網)
再講平日自己煲雞湯又好煮雞又好，總有「去不掉的雞油」!
而且高熱量、高脂肪、高納!
日常飲用嘅話，飲雞湯還好
但產前產後補身，多數係日日飲，咁飲雞湯法，你咪話唔肥~
但滴雞精製作過程會過濾走油脂和雜質
所以不含脂肪(可能都仲有，但一定少過黃油浮面果碗雞湯)
如果係土雞脂肪含量本來就低(下面會介紹)，更適合日日飲，無咁易肥
3. 真正既慳錢慳時間之選
之前有諗過要自己做滴雞精，係網上睇過整滴雞精嘅片後我就徹底放棄XDDD
片中介紹做滴雞精要一個大煲(家中真有一個大湯煲)
材料就雞一只，好簡單(有D 加薑，有D 加藥材)
但製作時間要差不多幾個鐘!!!!! (聽講正宗做法要一日)
一隻雞整完就係得一小碗!
宜家一隻冰鮮雞都要6-70蚊一隻，整滴雞精一定用新鮮雞啦~
新鮮雞就大概120蚊up(睇下咩雞種，300蚊隻都有...)
幾百蚊加幾個鐘得一小碗?what?!咁樣既付出同收穫好似有D 唔成正比...
現代人生活忙碌，時間就係金錢
有幾多個人咁得閒日日自己整滴雞精呀?
我當你唔洗OT，唔洗番工，有時間都瞓下覺或者煲下劇啦~!!(誤XDD)
滴雞精就每朝起身放入煲，按時間掣，梳洗換衫後就有得飲!
你會點揀?
前排見網上介紹滴雞精，原來晨露滴雞精都幾好!
(早排有share過，詳細文章連結傳送門: https://goo.gl/uPzb1v)
📷
(圖片來源:Ubaby)
每包的蛋白質含量
好多人睇個表揀滴雞精一定會覺得老協珍正D
因為每100g有多D蛋白質嘛!
但係諗深一層，我地每次飲一包架嘛，每一包都無100g!
應該要睇每包嘅蛋白質含量
睇完先知晨露滴雞精每包的蛋白質含量最高，多過鴻福堂2g
即係每次飲都飲多2g，長遠計飲多好多WOR
計落抵番(再講鴻福堂唔平WOR)
原材料的重要性
我上網做少少功課，原來土雞同老母雞係有D 唔同既
土雞需要走地飼養，主要來自台灣
因為在活動量大，所以肌肉較多，肉質有咬口，而且脂肪含量低
蛋白質及膠原蛋白豐富，所以台灣人經常用來燉補
而老母雞顧名思義，是年紀較大的母雞
母雞主要用作生產雞蛋，飼養時間一長，產蛋量就會下降
呢D老母雞就會推出市場售賣
老母雞一般用籠養，活動量少
而且年紀較大，所以肉質鬆散，而且皮下脂肪較多
所以很少會直接食用，不過因為平，好多人都會用黎煲湯
(又長知識喇~)
總括黎講，土雞既蛋白質、膠原蛋白同營養價值都比老母雞高
另外，除左雞，有D 滴雞精仲會添加藥材
唔同藥材有唔同藥性，每個人食左效果可能都唔同，有需要都係問番中醫好~ =P
補充膠原蛋白
除左高蛋白質之外，滴雞精仲有個個美女都好想要既膠原蛋白!
聽說膠原蛋白可以幫助傷口癒合及細胞修復
仲可以幫助修復疤痕、妊娠纹！產後婦女真係好需要啊~
而且女人年紀越大，膠原蛋白開始流失，皮膚容易形成皺紋
滴雞精唔只可以改善身體狀況，仲令你D 肌膚漲卜卜~
你懂的！
常溫急凍各有不同
滴雞精嘅保存方法大致有兩種，就係常溫同埋急凍版
常溫版係用積層複合鋁袋密封，阻隔空氣同微生物入侵，再用高溫滅菌，不添加防腐劑
急凍版係需要放係冰格保存，利用冷凍方式抑菌
不過每隻滴雞精果保存滅曲菌方法都可能有D 唔同，如有不一樣，麻煩大家留言話我聽
我之前都飲過急凍版，但好阻定，用左半個冰格
係咁俾我老公催我飲快D~
宜家先知原來有常溫版，真係方便好多，可以放係其他地方都得~
★・・・・・・★・・・・・・★・・・・・・★
📷
經過我唔科學嘅篩選，我決定試下晨露滴雞精!
晨露滴雞精加熱好方便，放入煲，按時間掣，轉頭就有得飲
📷
有D 品牌係要冷凍狀態將鋁袋剪開，把冰狀嘅滴雞精放入碗裡
隔水加熱或微波加熱後再飲用，我感覺好似唔係原汁原味=P
(或者加塊保鮮紙隔一隔好D)
晨露滴雞精因為係常溫版，所以加熱時間短D，又唔洗搞唔多野~
📷
食包倒出黎D雞汁唔係好清澈，相信係D雞嘅沈澱物
顏色呈金黃色，聞落好香
📷
好易入口，飲落個味好雞湯味，好有燉雞汁既香味
又無藥材味，好有媽媽嘅味道，想一飲再飲XDDD
📷
唔得架，一日飲一包好喇~~~幾十蚊包架!! XDD
飲完一包話即刻精神好左，你都未必信
呢D要持續咁飲先有好D 既效果，以上次既經驗，起碼都要飲兩個星期
但我相信我堅持一定可以改善我頭暈體虛既情況既~加油!
飲還飲，有D 嘢都需要注意下：
1. 產後補身適時，惡露清曬先好開始飲
2. 早上空腹時飲用滴雞精，吸收效果最好
3. 除左飲滴雞精，都要飲食均衡
4. 如果有咩問題，都要適時求醫，唔好以為滴雞精係藥，咩都得！
★・・・・・・★・・・・・・★・・・・・・★
Follow Instagram:
https://instagram.com/edrick_wong
Follow Facebook: 美豬媽與布甸仔の日常
https://www.facebook.com/ringoedrickdiary/
Follow Blog:
http://ringomeib.blogspot.com/
https://www.mamibuy.com.hk/home/8102/
https://wow.esdlife.com/ringomeib
https://blog.ulifestyle.com.hk/blogger/ringomeib/
0 views