Search

隱世高質素食餐廳 非素食人士都岩食!

中午想食的健康又好味,我就去到荃灣試一試高質素食,大人小朋友都適合。

芝士素肉蕃茄漢堡 配薯條見到芝士大大件已經流口水,漢堡一咬入去,肉汁豐富,入口即溶。漢堡包有薯條伴碟,新鮮出爐的熱辣辣,非常脆口。



小朋友同老人家可以試一試:南瓜豆腐蛋花粥南瓜粥甜香,豆腐軟腍,配上蛋香,令人食指大動。

南瓜可以保護胃腸道黏膜免受刺激丶促進排便,更有瘦身丶保護視力同埋肺部功效。


就黎新年,不妨可以試下蘿蔔糕蛋餅

估唔到可以將傳統蘿蔔糕做成蛋餅,蛋餅嘅外皮焗得脆口,但中間軟身易人口。口感層次變得更豐富。另外,為減低油嘅攝取,廚師選擇焗嘅煮食方式。

視乎個人口味,大家可加適量韓式辣醬作配搭。


如果喜歡食香口嘅食物,就可以選擇素肉雜菌炒公仔麵中西式都好食,公仔麵炒得出色,有鑊氣,麵條條條分明,唔濕身,但亦唔油膩,全賴廚師技巧高超。


甜品控必選:經典花生糯米糍

難得願意花功夫,人手炒花生及芝麻,手捏糯米糰,做回懷舊口味,花生餡有炒過,吃到焦香味,粗幼粒兼備,食落爽身且甜度適中。




餐廳更每日推出手作麵包,每日款式不同。

「港安餐廳」營業時間

星期一至星期日:早上8時至晚上7時半* (因應疫情,營業時間有所不同)

地址:荃灣荃景圍199號港安醫院主座6樓

電話:(852)2275 6690

517 views