Search

【我的優閒淘寶記】淘寶BB圍欄同BB餐椅?! 性價比高?! 集運點搞呀?!

上次介紹淘寶買450蚊3人沙發引起好大迴響,如果大家Miss左可以睇返!

今次再下一城分享我買既BB木圍欄同BB餐椅,依兩款係香港都有好多選擇,不過價錢差一大截,特別係圍欄:最近好流行既韓國出品差唔多賣到一二千,就係咁我就去淘寶發掘啦! 


首先淘寶BB圍欄有好多款,價錢由最平排到最貴:膠板款<木欄款<軟墊款  本身我想買膠板款,但諗深一層膠板邊比較厚,入面既活動空間就會更細,而且擔心塑化劑問題,所以木欄款就係我最終既選擇。


經過我左度右度搵到間單買比起成個架買更平既店,而且呎吋可以照自己範圍去選擇,所以一定會岩自己屋企擺位。最終我買左2塊110cm,1塊80cm同1塊80cm帶門口,咁四邊就係110乘80cm。淘寶BB實木圍欄Link


當我收到實物已經覺得幾好,全實木仲送防滑膠貼!之後就出動老公幫手砌,宜家筋肉寶寶十個月大都會扶住個欄企起身。依個滿意度100分既實木圍欄盛惠人仔190蚊,運費下面再講講。 


上面係BB餐椅,我睇左好耐搵到可以較高低既BB餐椅。頁面有安裝影片,安裝都非常容易,實物同圖一模一樣,粗用我覺得可以,如果追求完美就唔好考慮依款,BB餐椅盛惠人仔70蚊。淘寶BB餐椅Link


以下講講運費先,今次係集運處理,所以費用上會比直送貴少少嫁。集運係將貨運到大陸倉集合再運嚟香港,由於計算運重既關係,所以我揀既集運商係專運大型貨物,依邊唔開名想知請PM我。依種集運有一個特色:貨夠多夠重,變相可以慳首重錢,只計續重費用,所以有唔少買淘寶傢俬既朋友會用到。 

我今次集左大概20KG送上門都係人仔300蚊,變相BB木圍欄同BB餐椅實際價錢都係加多DD,所以質素同價錢都成正比嫁! 

你哋可能會問「我只係單純想買其中一樣,咁集運點搞呀?」建議你哋搵用重量計費既集運去處理,但要知會唔會有尺寸限制,如果有既要問淘寶店包裝後尺寸係幾多,如果無超出限制就一樣可以運返嚟啦!

想知道關於餵母乳的問題或公立醫院產檢及分娩,都歡迎係下面連結嚟我專頁PM我嫁! 想睇筋肉寶寶與肥貓寶寶的日常家中玩樂點滴、親子好去處,淘寶記等等,就快D入嚟下面的連結啦! 我哋的Instagram:http://bit.ly/2FMOvqP 我哋的專頁:Kylife與二寶之日常專頁



我哋專頁內爆like post分享 荃灣體育館初體驗 X 免費放電好去處 X 實拍筋肉寶寶 http://bit.ly/2NKaDW9 明愛慈善買 X 20蚊BB單車 X 筋肉寶寶新玩具 http://bit.ly/2FbEGnc 裝修完畢大公開 X 與你分享 X 二寶之家 http://bit.ly/2OZ8K8D #荷花2019春季BB展VIP媽媽# 專欄分享#親子01 #Cook1cook #Ohpama#Sundaykiss #Presslogic #媽媽經 #Mercury

0 views
  • Facebook Social Icon
  • YouTube Social  Icon

Copyright ©2020 by Leabon Strategic Alliance Limited